Tvö heimili
Ráðgjöf og sáttamiðlun fyrir fjölskyldur á tveimur heimilum
Hlýleg og fagleg þjónusta þar sem hagsmunir barnsins eru hafðir að leiðarljósi.
Sáttamiðlun
Sáttamiðlun er aðferð til lausnar ágreinings sem aðilar taka sjálfviljugir þátt í með hjálp sáttamiðlara.
Ráðgjöf
Fyrir foreldra sem eru að slíta samvistum eða vilja koma foreldrasamstarfi sínu í betri farveg.
Þjónusta við börn
Hlýleg og fagleg nálgun með hagsmuni barnsins að leiðarljósi. Ráðgjafa- og stuðningsviðtöl og viðtöl í sáttameðferð.
Önnur þjónusta
Sérfræðiálit, umgengni undir eftirliti, aðstoð við að koma á tengslum eftir umgengnisrof o.fl.
Jákvætt foreldrasamstarf getur verið lykilatriði í uppvexti barns
Rannsóknir hafa sýnt að jákvætt foreldrasamstarf (e. positive coparenting) foreldra eftir samvistarslit hefur talsverð áhrif á getu barns til að aðlagast aðstæðum og getur verið lykilþáttur í farsælum uppvexti barns. Það að foreldrar geti átt í jákvæðum samskiptum og leggi sig fram við að starfa í sameiningu að uppeldi barnsins hefur ekki einungis jákvæð áhrif á líðan og aðstæður barnsins heldur einnig á foreldrana sjálfa og þeirra foreldrahlutverk. Börn eiga rétt á því að alast upp við öryggi og kærleik og án þess að dragast inn í deilur foreldra eða hafa áhyggjur sem ekki eru í samræmi við aldur þeirra og þroska.
Yfirleitt eru það sömu gryfjurnar sem foreldrar á tveimur heimilum falla í og geta leitt til átaka og ágreinings. Algengar gryfjur eru til dæmis:
Ólíkar reglur og gildi
Ónæg upplýsingagjöf
Óskýr mörk
Stjúptengsl
Fjármál
Flutningar
Með því að leita sér ráðgjafar strax í byrjun foreldrasamstarfs eða við upphaf ágreinings er hægt að tileinka sér verkfæri foreldrasamvinnu og fyrirbyggja föll í gryfjur framtíðarinnar.
Okkar nálgun
Markmið
Markmið Tveggja heimila er að skapa vettvang fyrir börn og foreldra sem þurfa aðstoð vegna vankvæða í kjölfar samvistarslita og vilja leita leiða til að eiga jákvætt og uppbyggilegt foreldrasamstarf.
Hlýleg og fagleg nálgun
Á Tveimur heimilum er borin virðing fyrir einstaklingum, aðstæðum hans og upplifunum. Áhersla er lögð á hlýlegt og jákvætt viðmót.
Velferð barna í fyrirrúmi
Markmið Tveggja heimila er að veita víðtæka þjónustu og bestu mögulegu meðferð að hverju sinni. Lögð er áhersla á hagsmuni og velferð barnsins í allri ráðgjöf.
Persónuleg þjónusta
Lögð er áhersla á persónulega þjónustu sem sniðin er að þörfum hvers máls fyrir sig.
Ragnheiður Lára
Ragnheiður Lára Guðrúnardóttir er félagsráðgjafi M.A., stofnandi Tveggja heimila og hefur meðal annars starfað sem sérfræðingur í málefnum barna hjá sýslumanninum á höfuðborgarsvæðinu.
Ragnheiður Lára er teymisstjóri í ráðgjafar- og meðferðarteymi Geðheilsumiðstöðvar barna og er að auki skilnaðarráðgjafi hjá SES-Pro.
Ragnheiður Lára er foreldri barns á tveimur heimilum.
„Það er von mín að sá sem hingað leitar upplifir sig kominn á réttan stað.“
Ertu í vafa?
Veldu leið sem hentar
Skoðaðu þá þjónustu sem í boði er og veldu það sem hentar ykkar þörfum best. Ef vafi er á hvaða þjónustu skuli velja þá endilega hafðu samband.
Hvert er markmiðið?
Áður en haldið er af stað er mikilvægt að skoða hvaða árangur maður vill af ráðgjöfinni/meðferðinni og hvort maður sé sjálfur reiðubúinn að vinna í hlutunum.
Ertu með spurningar?
Ef þú ert í vafa um næstu skref er þér velkomið að hafa samband við okkur.