Starfsferill og menntun

Ragnheiður hefur víðtæka reynslu af því að starfa með börnum og fjölskyldum.

Menntun:

• 2022 Yin Yoga og Yoga Nidra kennaranám
• 2022 Forensic Interviewing of Children Training hjá National Children´s Advocacy Center
• 2021 – 2022 Attachment, Neurodevelopment Psychopathology (ANP) hjá Family relations institute
• 2021 Child Inclusive Mediation And Counseling: Child Consultant Course

Fyrri störf:

• Deildarstjóri á stuðningsheimili Reykjavíkurborgar fyrir ungt fólk með fjölþættan vanda.
• Uppeldis- og meðferðarfulltrúi á skammtímaheimili unglinga hjá barnavernd Reykjavíkur.
• Forstöðumaður Frístundarheimilis með áherslu á útinám og barnalýðræði.
• Félagsráðgjafi í þjónustumiðstöð Breiðholts.

Fagleg nálgun

Ragnheiður hefur lengi brunnið fyrir málefnum barna sem búa á tveimur heimilum. Hún upplifði af eigin raun að vera barn í umgengni og er sjálf móðir barns sem dvelur aðra hvora viku hjá foreldrum sínum. Síðustu árin hefur hún leitast við að afla sér þekkingar á málefnum barna sem eiga foreldra sem búa ekki saman, lesið rannsóknir, bækur og sótt ráðstefnur og námskeið bæði hérlendis og erlendis.

Ragnheiður er jákvæð, bjartsýn og einlæg að eðlisfari og endurspeglast það viðhorf í faglegri nálgun í starfi. Ragnheiður leggur áherslu á að nálgast fólk af hlýju og virðingu, með styrkleika fólks af leiðarljósi og getu þess sjálfs til að takast á við eigin vandamál og áskorarnir. Í uppeldi eigin barna viðhefst Ragnheiður virðingaríkt tengslauppeldi og birtist sú hugmyndafræði einnig í störfum hennar þar sem unnið er með meðvitaða foreldrasamvinnu (e. mindful/conscious coparenting).

„Það er von mín að sá sem hingað leitar upplifir sig kominn á réttan stað. Ég þekki það sjálf að standa í þessum sporum bæði sem foreldri og barn og vildi óska þess að ég hefði haft aðgang að vettvangi sem þessum. Ekki hika við að hafa samband, vonandi get ég lagt mitt á vogarskálarnar fyrir farsæla niðurstöðu.“

Starfsreynsla

Davíð hefur starfað sem persónulegur ráðgjafi og stuðningsfulltrúi á vegum Reykjavíkurborgar um árabil.

Meðal annarra starfa:

• Persónulegur ráðgjafi barna og fjölskyldna hjá Reykjavíkurborg.
• Stuðningsfulltrúi á heimili fullorðinna með sérþarfir.
• Kennsla og verkefnastjórnun hjá Háskóla Íslands.
• Þjálfari barna og ungmenna.
• Rannsóknir á sviði foreldrasamvinnu og félagstengsla barna og unglinga.

Fagleg nálgun

Davíð hefur lagt mikla áherslu á tilhögunarmál fjölskyldna sem búa á tveimur heimilum og afdrifum viðkomandi barna í rannsóknum sínum. Hann þekkir bæði af eigin skinni sem og úr fræðaheiminum að samvinna og málamiðlanir foreldra geta skipt sköpum þegar kemur að líðan, þroska og möguleikum barna sem búa á tveimur heimilum. Allar fjölskyldur eru frábrugðnar hvor annarri og því er mikilvægt að hlúa að hverri fjölskyldu, og þeim einstaklingum sem hún samanstendur af, með persónulegri og faglegri nálgun.

Davíð er fjölhæfur, skapandi og metnaðarfullur einstaklingur sem hefur gott lag á samskiptum við annað fólk og vilja til þess að takast á við nýjar áskoranir. Hann nýtir eðlislæga forvitni sína sem drifkraft til þess að gera betur þá hluti sem hægt er að bæta og leggur í hvívetna upp með að ná því besta út úr gefnum aðstæðum og þeim sem í kringum hann eru. Þar fyrir utan gerir hann sér grein fyrir því að fólk er allskonar og aðstæður eftir því og er þess vegna hlaðinn virðingu og samkennd gagnvart þeim aðstæðum, tjáningum og skoðunum sem á vegi hans verða.

„Fyrir mér þá snýst þetta um kjarna fólks og að finna mynstur sem geta aðstoðað fólk, sem er í raun í sömu sporum og ég sjálfur, í því að láta hlutina virka á sem farsælastan hátt fyrir alla viðkomandi og þá börnin sérstaklega. Virðing og hlýja í garð þeirra sem finna sig í þessum sporum er eitthvað sem skiptir mig öllu máli og ekki síður mikilvægt en að vinna með styrkleika viðkomandi og að finna lausnir sem bókstaflega geta breytt lífinu.“